Xunto a estas imaxes, exhíbense outras de Harold Canizales, nas que aparecen representadas as vinte pezas maestras da historia da moda. Este conxunto de ilustracións non só cumpren unha función referencial e de apoio, senón que tamén teñen por elas mesmas entidade suficiente para guiar ó espectador nun paseo do que é a historia da Alta Costura, expresada a través dos seus momentos máis esenciais. É por todo isto, que a exposición presenta un exercicio de reflexión para todos os amantes da moda.

 

 

 

A mostra poderase comtemplar ata o 31 de agosto no Museo del Traje. Aberto ó público en marzo de 2004, este centro é unha institución que comezou a súa andadura en 1925 como a Exposición del Traje Regional e Histórico e que, actualmente, ofrece un percorrido por toda a historia da indumentaria, dende pezas arqueolóxicas a ropas actuais, compretada con amplia información audiovisual. Ademais de 20 iconos del siglo XX, o Museo del Traje exhibe, por primeira vez en España as fotografías orixinais que Edward Steichen realizou para as revistas Vogue e Vanity Fair, na mostra Edward Steichen. Fotografía de moda, que permanecerá aberta ata o 21 de setembro.

 

Durante os quince anos que traballou para a editorial Condé Nast, Steichen retratou a cultura contemporánea no ámbito da literatura, o xornalismo, o deporte, o cine e a Alta Costura, fotografiando a grandes estrelas do momento como Greta Garbo ou Gary Cooper e soubo reflectir a moda daqueles anos, así como ós seus protagonistas.

 

Dúas viaxes para coñecer en profundidade os avances da Alta Costura dende os seus primeiros creadores ata os nosos días. Podes atopar máis información na web do Museo del Traje.