Os encargados de levar a cabo este proceso son os responsables do estudio de arquitectura e deseño brasileiro Ciclodesing, que xa se encargaron de facer realidade a Cidade da Samba en Brasil, un espacio creado non só para a preparación do Carnaval Carioca, senón que tamén alberga tendas, restaurantes e espacios para exposicións e espectáculos. A Cidade do Rock constitúese como unha verdadeira urbe, na que cada espacio é equiparable a un barrio.

O percorrido por esta inmensa área iníciase no Escenario Mundo, cuxa fachada permitirá a proxección de xogos de luces e imaxes e cuxa enerxía será suministrada por 300 placas solares. Esta carpa está reservada para os artistas nacionais e internacionais que máis público atraigan. A continuación, pódese pasar á Carpa Electrónica, especialmente deseñada para sesiones Dj´s, e que ten unha extensión de 1.800 metros cadrados. A luz será un importante elemento para este espacio. Pero as zonas destinadas á música non termina aquí. O Hot Stage será o escenario no que actúen grupos de estilos musicais menos comerciais.

Pero se hai algo que non pode faltar en ningunha cidade son as tendas, que se enmarcan na Zona Moda, unha estructura de mil metros cadrados nos que se poderán ver catro desfiles diarios coas últimas tendencias. Estas tendencias tamén terán o seu reflexo nos deportes, dentro da Zona Radical, que conta cunha pista de patinaxe sobre xeo, unha pista de neve para snowboard, bungee jump e tres tirolinas. A Cidade do Rock copmplétase con restaurantes, espacios para nenos e unha zona vip con capacidade para 1.500 persoas e nas que se poden atopar numerosas pantallas de vídeo para non perderse ningún evento. 

O coste da construcción desta urbe, segundo os organizadores, ascende a 15 millóns de euros, dos que o concello de Arganda del Rey porá case a metade. Todo elo para albergar un dos festivais de música máis importantes do mundo que, dende a súa primeira celebración en 1985, realízase baixo un lema para concienciar á sociedade sobre diferentes problemas. A temática deste ano é Por un mundo mellor: contra o deterioro medioambiental, polo que os organizadores decidiron crear o Bosque da Música.

Este espacio verde situarase en La Perlita e estará composto por 30.000 metros cadrados no que, ademáis de zonas nas que a vexetación convivirá con instrumentos musicais xigantes, haberá un Parque das Alteracións Climáticas. Nel, recrearanse as consecuencias do efecto invernadoiro. Pero as medidas medioambientais non se reducen a isto. O Rock in Río conta cun Plan de Reducción de Emisións- Programa CarbonoCero, centrado en aspectos como a movilidade durante o festival, con buses gratuitos, o tratamiento dos residuos e o aforro de enerxía. As campañas publicitarias sobre o cambio climático e puntos interactivos de información dentro do recinto completan o programa de actividades para concienciar sobre a causa que defende o festival.

Os responsables da Cidade do Rock esperan que os beneficios do Rock in Río Madrid reporte as mesmas cantidades monetarias que logrou nas súas cinco edicións anteriores (tres celebradas en Brasil e dúas en Lisboa), nas que os ingresos derivados deste festival alcanzaron grandes cotas. Ademáis, esperan que a Cidade do Rock poida ser utilizada ata 2012 e con carácter bianual para acoller novas edicións do certame, aínda que tamén cabe a posibilidade de que sexa utilizado como Parque da Música e a Cultura.

Podes atopar máis información sobre o Rock in Río e a Ciudad del Rock na páxina do festival. 

Comentarios (1)

RSS dos comentarios

gruas medio ambiente
escrito por alicuecano, Maio 21, 2008

no sé que me parece peor: si desaprovechar una zona libre de edificaciones para, en lugar de hacer una aberración urbanística en pos del negocio musical, crear algo con más calado en la lucha por el medio ambiente como por ejemplo una central eólica o solar o una simple reforestación.
o montar más tiendas y locales de restauración que escenarios musicales (y en lo de las carpas para djs prefiero no meterme)

report abuse

Voto negativo

Voto positivo

Votos: +0