A marca de soportes para almacenamento Verbatim fixo parte da Misión Espacial Shuttle 1J cara a Estación Espacial Internacional a finais do pasado mes de maio. Os seus discos ópticos CD e DVD virxes gravables estiveron a bordo, participando das probas realizadas por Astrium GmbH de Bremen, Alemaña, que confirmou que tamén poden ser empregados no espazo.

Os tests realizados por Astrium GmbH de Bremen, unha subsidiaria da compañía aeroespacial EADS, confirmaron que os discos Verbatim son axeitados para viaxar ao espazo. A lonxevidade dos discos, que poden almacenar datos de xeito seguro durante un periodo de até 100 anos, xogou un papel vital na toma da decisión. O motivo é que as proporcións de compostos químicos e gases causados polo proceso de envellecemento que se produce a bordo dun voo espacial non deben exceder certos baremos.

A bordo da estación espacial internacional, o papel dos discos era o de ser empregados coma soportes para back-up no suposto de que os ordenadores de a bordo do COLUMBUS precisasen restaurar funcións críticas do sistema.