Mango lanzou a terceira campaña online de quemepongobymango.com. O microsite estará dispoñible en diferentes países, coma España, Alemaña, Austria, Bahrein, Bélxica, Estonia, Francia, Holanda, Hong Kong, Letonia, Lituania, Malta, Polonia, Portugal, Reino Unido, Singapur, Tailandia e Turquía.  Paralelamente, a marca catalá realizará, en España, unha campaña de anuncios en televisión que constará de oito capítulos semanais nas canles Cuatro e Telecinco durante a retransmisión dos programas Anatomía de Grey e Sin tetas no hay paraíso. Os modelos da campaña, Alice Dellal, Sheila Márquez e Nuno Lopes, amosarán a internautas e telespectadores cómo combinar as novas tendencias.

Tamén para esta ocasión se renovou o microsite e incluíronse novas seccións. Cada semana poderanse ver os novos vídeos e os novos consellos de estilismo en Styling tips e Mix and match, onde se ofrecerán consellos para mesturar diferentes estilos con éxito en cada ocasión. Na sección Be a model, as clientas poderán publicar as súas fotos e gañar unha sesión de fotos cun fotógrafo profesional en Barcelona. Meet the models contén breves entrevistas ás caras da campaña. E como novidade, aparece a sección Chic city guide onde, en colaboración coa revista Time Out, se ofrecerán consellos e enderezos sobre os puntos de interese turístico e os mellores hoteis, restaurantes e zonas de shopping en oito cidades do mundo.

Quemepongobymango.com tivo moito éxito nas súas dúas primeiras edicións, con 465.000 visitas na última tempada. Dende 1995, data na que Mango lanzou a súa web corporativa mango.com e a súa tenda online mangoshop.com, a marca apostou forte polo desenvolvemento e innovación na rede.