O espazo de moda e arte METTRO, situado na coruñesa Praza de Lugo, acollerá de novo un showroom de exposición e venda con máis de 30 coleccións de novos talentos estatais e internacionais da moda e dos complementos.

O programa incluirá ademais outras actividades relacionadas coa arte ou a música, unha fórmula aberta a todas as manifestación creativas de vangarda que xa converteu nun gran éxito as anteriores convocatorias, celebradas os pasados meses de marzo e xuño.