Alba Blanco, recén titulada na primeira promoción de ESDEMGA (Escola Superior de Deseño Textil e Moda de Galicia), que xa fora seleccionada para presentar o seu primeiro traballo na pasarela El Ego de Cibeles na súa última edición, foi seleccionada agora para o Showroom da mesma pasarela na súa VI Edición.

Así, do 19 ao 23 de setembro Alba Blanco amosará as súas propostas en Cibelespacio, a nova denominación do showroom de El Ego en Cibeles Madrid Fashion Week, o que lle permitirá dar conta do seu traballo nun escaparate internacional, vender as súas pezas e recibir encargos de múltiples empresas que visitan cada día IFEMA.