A colección Primavera-Verán 2009 de Devota & Lomba foi a encargada de inaugurar esta mañá Cibeles Madrid Fashion Week . De seguido coñecéronse as novas propostas de Duyos, Alinato e Lemoniez, e xa á tarde será a quenda de Victorio & Luccino, Amaya Arzuaga, Ángel Schlesser e Ágata Ruiz de la Prada.

Os tecidos conseguen que se alonguen as figuras cun efecto asimétrico. A cor saturada marca, enmarca e acentúa dentro dunha gama homoxénea de grises e rosas que se combinan con azuis, verdes, crus e chocolates que pintan papeis de seda encerados, georgettes, muselina, mikados e bellardinas. No capítulo dos complementos, o creador aposta por unha muller que pisa moi alto grazas aos seus altos tacóns, que se fai inseparable de grandes bolsos e, cómo non, de anteollos de sol que a protexen.

O primeiro desfile da pasarela Cibeles contou cunha posta en escena moi orixinal, onde uns muros de metacrilato en rosas e transparente dividían a primera parte do escenario.