Do 2 ao 4 de setembro Valencia celebrará a súa V Semana da Moda cun calendario de desfiles no que destaca o seu apoio á creatividade e á vangarda da man dos deseñadores mozos.

Para iso conta co apartado Zona D, unha auténtica canteira de promesas emerxentes, que fai parte do programa oficial de desfiles. Deste espazo sairon deseñadores mozos coma Encarnis Tomero, Hoet, Mónica Lavandera, Yiyi Gutz, EBP, Luxoir ou José Zambrano, quen presenta este ano a súa primeira colección logo de gañar o concurso na pasada edición.

Nesta amosarán as súas coleccións Laga, Paco Fortea, Bianca Beber, Rosa de Ves e catro nomes novos: Lola, Elisa Madiña, La Cinta Roja e Retal-Reciclaje, namentres que na sección Modakaos se poderán ver as propostas dos estudantes de moda da Comunidade Valenciana.