O investigador da Universidade de Santiago de Compostela (USC) Rubén Nogueiras, que estuda cómo o cerebro regula o matabolismo dos ácidos grasos en diferentes órganos, vén de concluir que modificar algúns sinais cerebrais é suficiente para o funcionamento do peso corporal.

No futuro, estes cambios poderían empregarse como dianas terapéuticas para loitar contra problemas de tanta importancia como a obesidade e a diabetes.

Nogueiras, con máis de corenta artículos publicados en revistas internacionais, chegou ao número un na área de fisioloxía e farmacoloxía do Programa Ramón y Cajal, no que só se ofertaron nove prazas para toda España. Licenciado en Bioloxía, Rubén Nogueiras doctorouse pola USC e realizou estadías posdoctorais no Instituto Alemán de Nutrición Humana, na Universidade de Xenebra e no Instituto de Investigación do Xenoma, en Estados Unidos. Actualmente encóntrase na Universidade de Cincinnati, en Ohio, colaborando nun novo proxecto.