A xeografía e fronteiras da época, a topografía europea, os uniformes de todos e cada un dos exércitos, a cronoloxía dos feitos … todo foi coidadosamente documentado por especialistas. De feito, unha das características principais do xogo é que presenta o maior mapa da Europa  napoleónica recreado até o momento, con numerosos detalles de Escocia a Exipto e de Portugal aos Urais, baseado en proxeccións satélite 3D reais transcritas a 2D.

Ademais, presenta unha ampla selección de campañas militares históricas: Austerlitz (1805), Trafalgar (1805), Jena (1806), Friedland (1807), Danubio (1809), Portugal (1811), Rusia (1812), Alemaña (1813), Francia (1814), Waterloo (1815), Prusia (1806-1807), España (1808-1814), e coma bonus, unha historia alternativa, o que tería pasado  da invasión de Inglaterra dende o campamento de Boulogne (1805).

Os argumentos poden durar dende varios meses a case seis anos en función da campaña, e, en modo so ou multixogador, haberá que dirixir, dependendo das tramas, unha ou varias das sete grandes nacións da época: Francia, Gran Bretaña, Prusia, Rusia, o Imperio Austrohúngaro, España ou o Imperio Otomano, así como organizar as divisións, exércitos e corpos, e xestionar as provisións ou a moral das tropas.  

 

O xogo contempla máis de 1000  unidades diferentes, dende a infantería de base e outros soldados de a pé, até todos os tipos de cabaleiría, xunto con cañóns, artillería, naos de guerra, espías, médicos, guerrilleiros, pontoneiros, mesmo persoal do cuartel xeral. Ademais, até 1500 personaxes e líderes históricos están caracterizados fielmente grazas a un gran esforzo de investigación, estudando a documentación dispoñible, para reproducir, por exemplo, os uniformes adecuados de acordo ao contexto histórico.

Outra das súas características principais, é un avanzado sistema de Intelixencia Artificial que ten en conta estratexias, eventos, contexto político, situación xeográfica , recursos, metereoloxía ... diferentes en función da nación, converténdose en elementos claves durante as partidas. Destaca tamén o sistema de promoción dos líderes, baseado na súa experiencia e nos seus resultados na batalla, o que ademais lle permitirá mellorar todas as súas unidades.

As Campañas de Napoleón é un xogo para PC que permite a modalidade para 2 xogadores nun só ordenador, por mail ou por primeira vez neste xénero, por LAN/Internet.