Logo de esgotar en menos de dúas semanas os tickets para os shows de Madrid e Bilbao os pasados 18 e 19 de abril, e vender o aforo completo en diversas cidades coma Las Palmas (10.000 entradas), Tenerife, Badalona ou Zaragoza (máis de 12.000 entradas), o exitoso espectáculo de Loita Libre A Gran Noite do Pressing Catch  aterrizará o vindeiro 20 de xullo na Praza de Touros de Pontevedra, dentro dunha nova e ampla xira exclusiva prevista para este verán.

Non hai dúbida de que os xigantes do ring arrasan e a cita de Pontevedra vai camiño de pendurar ben cedo o cartel de 'Non hai billetes'. Así que non perdas o tempo, a wrestling-manía continúa estendéndose e conquistará de novo ao público galego. Contas, ademais, cunha baza importante: Novaxove sortea ¡oito entradas! (é dicir, catro entradas dobres) entre todos vós ... ¿Que qué hai que facer?

Se es Nx, ou sexa o/a titular dunha flamante tarxeta Nx, entras directamente no sorteo de dúas entradas dobres. Só tes que enviar a Este enderezo de correo-e está protexido contra spam bots, necesitas ter o Javascript activado para podelo ver un correo electrónico co asunto 'Pressing Catch entrada Nx' e cos seguintes datos: nick, nome e apelidos, as catro últimas cifras da túa Tarxeta Nx, enderezo de correo postal (moi importante: é o enderezo no que recibirás as túas dúas entradas se resultas gañador/a do sorteo) e un teléfono de contacto (mellor se é un teléfono móbil).

Se non es Nx (en fin ...), tamén hai entradas para ti, só que vas ter que 'currar' un pouquiño máis:

-  Sorteamos unha entrada dobre para un 'Fotógrafo Nx' ...  ¿condición? serás 'os ollos de Nx' no espectáculo, achegarasnos fotografías para crear un álbum sobre o mesmo no portal, un material exclusivo e de primeira man a cambio do cal vas gozar dun evento único xunto ao teu acompañante.   ¿Queres ser ti? ... envía un correo electrónico a Este enderezo de correo-e está protexido contra spam bots, necesitas ter o Javascript activado para podelo ver co asunto 'Pressing Catch entrada Fotógrafo' e cos seguintes datos: nick, nome e apelidos, enderezo de correo postal (moi importante: é o enderezo no que vas recibir as túas dúas entradas se resultas gañador/a do sorteo) e un teléfono de contacto (mellor se é un teléfono móbil).

- E sorteamos outra entrada dobre entre todos cantos participen, e contesten correctamente, ao noso 'Cuestionario Pressing Catch': todos os días desta semana, dende hoxe, publicaremos un dato ou afirmación sobre este fenómeno de masas, ou sobre os seus loitadores máis afamados, neste fío do foro ; debes contrastar cada un deses datos ou afirmacións e dicirnos se é VERDADEIRO ou FALSO (neste caso, por que). Os que contesten acertadamente a cada unha das cinco afirmacións entrarán no sorteo dunha entrada dobre. Unha vez realizado o sorteo, e publicado o nick do gañador/a do mesmo no portal, este/a queda obrigado/a a remitir a Este enderezo de correo-e está protexido contra spam bots, necesitas ter o Javascript activado para podelo ver os seguintes datos: nome e apelidos, enderezo de correo postal (moi importante: é o enderezo no que recibirá as súas dúas entradas) e un teléfono de contacto (mellor se é un teléfono móbil).

Se de todos xeitos ao final, c'est la vie, quedas sen entradas, lembra que podes mercar a túa no despacho de billetes electrónico de www.caixanova.com, a través de servinova (link accesible só con explorer) ou no 902 504 500 (venda telefónica).

Os prezos das entradas son :

       CIRCO:

·       Sector A…………..72,10
·       Sector B…………..61,80

      TENDIDOS

·         Dianteira, Barreira e Contrabarreira………….56,65
·         Tendido Baixo ……………… 46,35
·         Tendido Alto………………36,05


A hora do show é ás 21.00 hs. e abriranse as portas ás 19.30 hs.

Aínda non están confirmados os nomes dos loitadores que acudirán á Praza de Touros de Pontevedra, ten en conta que por mor das lesións que tenden a sofrer non se adoita confirmar a identidade dos mesmos até que se achega a data do show. Con todo, é seguro que os seguidores gozarán dun espectáculo á altura das súas expectativas, con figuras de primeira calidade como as que presenta en todos os seus eventos a liga europea NWE (New Wrestling Evolution ). Os organizadores prometen unha cita inolvidable, chea de maxia e chispa, cunha escenografía do máis suxestiva, efectos especiais, fogos artificiais, música e moitísimas sorpresas ... en resumo: un auténtico espectáculo de wrestling americano nunca antes visto do que só se poderá gozar nesta exclusiva xira.

Orixinario de Estados Unidos, o wresting -show de loita libre- voltou con forza á televisión baixo a denominación de Pressing Catch , conquistando por igual a nenos e adultos. Estímase que máis dun millón de persoas seguen aos loitadores nas emisións televisivas, mercan artigos coas súas imaxes ou len revistas especializadas coma Wrestling Magazine -cun volume de vendas incríbles-, enlouquecendo moi especialmente aos máis xoves, como indica o furor que espertaron os cromos da WWE. Paralelamente,  moitas figuras deste deporte convertéronse en estrelas de cinema, como é o caso de Hulk Hogan ou The Rock, á vez que xurdiron novos ídolos a nivel mundial coma Rey Mysterio, Booker T, Batista, Bob Lashley, Chris Masters... e tamén loitadoras coma Sharmell.

Esta nova modalidade deportiva debe o seu éxito á orixinal combinación de varios tipos de disciplinas: música, danza, diversión, competitividade, indumentaria, efectos especiais e teatralidade. Os seus protagonistas, que irrompen no ring disfrazados de maneira sorprendente, emocionan e fan vibrar ao público con trucos particularmente eficaces para derrotar ao contrario ... ¿Vas deixar pasar algo así? 

Comentarios (0)

RSS dos comentarios