Tras un bo comezo de Liga, o Deportivo sufriu onte o seu primeiro tropezo na competición ó caer por un tanto ante o Villarreal no Madrigal. Os de Lotina saltaron ó campo sólidos en defensa, nembargantes eran os de Pellegrini os que marcaban o ritmo, inclinando a balanza ó seu favor no minuto 27 cun tanto de Cazorla. O xogador revólvese entre varios defensas na frontal da área e manda un zurdazo que entrou raso e axustado ó pau esquerdo da portería de Aranzubia. Houbo máis oportunidades para o submarino amarelo, pero o gardamenta do Deportivo tivo a tarde acertada e evitou que os branquiazuis encaixaran máis goles.

 

Co partido a favor e tras o descanso, Pellegrini daba entrada a Altidiore, avisando que ía a por todas. Lotina contraatacaba sacando a Valerón, algo frío por falta de minutos de xogo. O plantexamento do Villarreal daba mellores resultados, empurrado por Altidiore.  Así, no minuto diez puido ampliar a vantaxe. A entrada de Valerón e de Omar Bravo non inquietaba ó submarino, que seguía presionando ós visitantes. Pouco antes do final do encontro, Lotina deu entrada a Lafita para buscar máis velocidade, pero a entrada do centrocampista non serviu para modificar o resultado final.