O Deportivo conseguiu salvar un punto o pasado mércores no partido que o enfrontou no Reyno de Navarra a un Osasuna que claramente levou o control do encontro. Os rojillos foron superiores ós de  Lotina en todo momento, pero non souberon rematar a faena, a pesares de que os branquiazuis xogaron case toda a segunda parte con dez homes, logo da expulsión de De Guzmán. Xa dende os primeiros minutos, foi o Osasuna o que levou o control do choque, tratando de crear as primeiras ocasións de perigo, que eran cortadas pola sólida defensa galega. O Deportivo trataba de reaccionar, pero non conseguía manter a posesión do balón. Deposis de varias intentonas por parte de ambos equipos chegouse ó descanso coas táboas no marcador.

 

Logo da reanudación, foron os de Lotina os que dominaron os primeiros minutos ata que De Guzmán viu a segunda amarela nunha fea entrada. A situación provocou que o entrenador galego cambiara o plantexamento, dando entrada no campo a Pablo Álvarez e Verdú. En superioridade numérica, os rojillos trataron de presionar máis, pero a defensa deportivista seguía sendo sólida e finalmente o encontro terminou a ceros. O segundo empate consecutivo para os galegos.