O arxelino Ghilas foi o artífice onte da primeira victoria do Celta no que vai de Liga, ó marcar dous tantos ante o Tenerife en Balaídos. Os celestes xa levaban un par de xornadas intentando recuperarse dun nefasto comenzo ligueiro e onte acadaron resultados positivos. Os de Pepe Murcia plantáronse no céspede mantendo a posesión do balón e presionando ó equipo visitante. Así, ós 7 minutos chegaba a primeira ocasión de perigo, cun disparo de Trashorras. As oportunidades para os locais sucedíanse unha tras outra ata que chegou o primeiro gol. Fajardo envía a Ghilas en profundidade, para que o arxelino superara a Luis García cunha vaselina. O Celta dominaba e os tinerfeños sufrían para cortar as acometidas dos celestes, que tiveron varias oportunidades de aumentar a diferencia no marcador antes de chegar ó descanso.

 

Logo da reanudación,  o encontro seguía na mesa liña, cos de Pepe Murcia dominando e ós poucos minutos, David pelexa un balón que queda sen control e que Ghilas remata á media volta para marcar o segundo tanto para os locais. O Tenerife precisaba recortar distancias e o fixo pouco despois cun tanto de Nino. O partido abríase e as oportunidades chegaban para ambos equipos, aínda que finalmente, foi o Celta o que se levou unha merecida victoria.