Un novo empate foi o resultado que conseguiu onte o Celta ante o Rayo Vallecano. De novo, os galegos foron quen levaron a voz cantante, pero non conseguiron sentenciar, desaproveitando as oportunidades.  Ghilas, Óscar Díaz e Perera foron quen tiveron as mellores oportunidades para gañar a un Rayo previsible, sen forza na defensa e sen pegada na dianteira. A primeira parte estivo carente de emoción. Ó igual que a segunda.

 

A pesar dos cambios no Rayo e no Celta, o encontro seguiu cos visitantes dominado o balón, pero sen marcar. A insistencia puido ter a súa recompensa nun rexeite que foi cabeceado por Rubén, pero non consiguiu sentenciar. Finalmente 0-0 para os celestes, que non consiguen pasar das dúas victorias consecutivas.

 

Galicia segue a colleitar éxitos no taekwondo. Esta fin de semana, a Selección Galega de Exhibición gañou o Campionato de España en infantís e ocupou o segundo posto co equipo B no torneo que tivo lugar en Alicante. Ademáis, a selección galega que competiu no Open de Croacia regresou a Galicia con dúas medallas.

 

Vía Deporte Galego.

 

O Deportivo consiguiu onte en Riazor unha axustada vitoria ante o Espanyol, que os sitúa na sexta posición.  A solidez defensiva e o acerto en ataque foron os elementos que levaron ós locais a dominar o encontro disputado onte ante o equipo barcelonés, que pouco puido facer salvo parar as acometidas dos de Lotina. O ataque constante tivo a súa recompensa co tanto marcado por Guardado, un tiro a esquerda forte e ben colocado que colleu desprevenido a Kameni e que serviu para firmar a segunda vitoria consecutiva dos branquiazuis.

 

O Espanyol tamén gozou de varias oportunidades, pero un Aranzubia acertado evitou que as escasas chegadas dos visitantes acabasen en gol.  Durante a segunda metade do choque a tónica do partido foi a mesma. Presión por parte do Deportivo e algún ataque espanyolista. Ó final, 1-0 para os galegos que se atopan en postos europeos.

 

Xa nos últimos encontros o Celta comezaba a lavar  a súa imaxe cunha longa racha de empates. A semana pasada conseguiu unha vitoria e onte demostrou que non foi cousa de sorte, tras meterlle catro goles ó Córdoba, nun partido cheo de emoción.  Os visitantes non tardaron moito en dar os primeiros avisos e así, ó pouco do comenzo, os celestes abrían a conta de goles, cun tanto en propia porta do cordobés Ceballos. Pero o Córdoba recuperouse do golpe e puxo as táboas no marcador grazas a un cabezazo de Gastón Casas. O partido estaba igualado, ata que Katxorro lesionouse. O cambio tardou 10 minutos en facerse, o que permitiu ós celestes xogar en superioridade numérica e voltar a adiantarse no marcador.

 

Pouco despois e xa con once xogadores, o Córdoba, mediante Asen, marcaba o segundo tanto. O partido era rápido, con ocasións e goles para ambos equipos e así o Celta volveuse a adiantar no marcador. Os locais presionaban, ata que o árbitro expulsou a Crisitian Álvarez a 15 minutos do final, o que os visitantes aproveitaron para sentenciar o encontro cun 2-4 que parecía definitivo. Nembargantes, os cordobeses non se deron por vencidos e Yordi marcou o 3-4, pero finalmente os tres puntos foron para os celestes.