Aínda que empatado a puntos co Elche e o Murcia, o Celta é o farolillo vermello da Segunda División (Liga Adelante) ó non marcar ningún tanto nas tres xornadas que van de competición. Se a situación xa era grave, o sábado complicóuse aínda máis ó perder en Balaídos contra o Gimnàstic 0-2. Tanto os de Pepe Murcia, como os de César Ferrando chegaban ó partido necesitados dun triunfo e ambos equipos saltaron ó campo buscando o control do balón. Nembargantes, foi o Nàstic o que deu o primeiro aviso no minuto tres. O susto serviu para que os celestes reaccionaran e marcaran o ritmo do encontro aínda que sen acerto. A pesares de varios tiros a porta e de dominar ós visitantes, o Celta non conseguía sentenciar.

 

Tras o descanso, os de Pepe Murcia saltaban ó campo acelerados buscando con demasiada desesperación un tanto que non chegaba debido ás imprecisiones que cometían por tanta prisa. Os desaxustes na defensa eran evidentes e o Nàstic soubo aproveitalos, primeiro no minuto 54, cando Rosada perde o balón que recolle Redondo, quen pasa a Diop para que marque a porta valeira. O segundo tanto chegou a cinco minutos do final cando o dianteiro N´Gal remata un balón que lle pasa o ex xogador céltico Jandro. Finalmente, un resultado que deixa ó Celta sumido no profundo da clasificación.