O Centro Galego de Arte Contemporánea (CGAC) presenta dende mañá ata o vindeiro domingo, o ciclo  Tábula Rasa, un programa de actividades que presenta propostas a medio camiño entre xéneros e prácticas interdisciplinarias e no que participarán os artistas Yolanda Castaño, Gilles Aubry, Late, Scum & Bones, Analog Suicide, Sintezija, Joaquin Lana e Arnaud Riviere.  

 

O programa de Tábula Rasa divídese en dúas partes diferentes cada día do ciclo. Así, a primeira proposta de cada xornada encadraríase na idea de espectáculo de fusión, mentres que a segunda ofrece propostas musicais achegadas ó noise. O ciclo o abrirá Yolanda Castaño, co espectáculo Tender a man e o músico suizo Gilles Aubry, que traballa con gravacións de campo e hardware hackeado. O día 3, será o turno de Late, un espectáculo de danza, música e poesía, que dará paso a  Scum&Bones, inspirado na imaxinería do cine xaponés de monstruos, e de Analog Suicide, proxecto do músico de electrónica nacido en Estambul, Batur Sönmez.

 

O sábado 4 de outubro, para pechar o ciclo, o público poderá ver ao colectivo lituano Sintezija, artífices dun movemento que aúna diferentes propostas artísticas alternativas, a Joaquín Lana, que utiliza pedais usados, xiradiscos, pequenos electrodomésticos, etc, na súa proposta sonora e a Arnaud Rivière, un artista exemplo de faino ti mesmo que traballa co imprevisto axudándose de pezas de metal, pinzas e cables pelados.