Ourense acollerá esta semana o Campionato Europeo de Piragüísmo Freestyle. A competición vaise desenvolver no río Miño, baixo a ponte do Milenio. En Ourense estarán presentes os representantes europeos máis importantes desta especialidade, pois está confirmada a asistencia dun total de 180 deportistas da República Checa, Francia, Inglaterra, Eslovaquia, Austria, Alemaña, Irlanda, Suecia, Finlandia, Polonia, Suiza, Portugal, Holanda, Andorra e España.