Fundado en 1988, Tangata orienta o seu repertorio polas diversas formas con que se presenta o tango na actualidade; desde as máis clásicas e coñecidas, das que Carlos Gardel ou Osvaldo Pugliese serían principais expoñentes, ata as máis modernas, das cales Astor Piazzola pode ser o máis coñecido referente. Ten participado en importantes festivais musicais e certames de tango de proxección internacional, constituíndose deste xeito na representación galega do tango. Tangata editou en 1998 o seu primeiro disco, Como en outubro, e en 2001 o segundo, Trece. Hoxe actúa en Santiago.