O CGAI divide a súa sesión de hoxe entre o ciclo Poéticas do cine e a sección After hours/In-Edit, coa proxeccións dos filmes Operation Filmmaker e Global Metal, respectivamente. Poéticas do cine é unha sección fixa dentro da programación do CGAI. O tema inicial, a propia reflexión sobre o cinema, configura toda unha serie de traballos contemporáneos que indagan nas texturas e evolución da linguaxe fílmica, procesos de busca que nos revelan o tremendo potencial que aínda xace baixo o mundo das imaxes. After hours é unha nova sesión iniciada o pasado mes e que durante marzo centrarase no mundo do documental musical, en colaboración co Festival de Cine Documental Musical de Barcelona.