A galería DF Arte Contemporánea inaugura a exposición 1:1 de Rubén Santiago. O proxecto iniciouse na cidade de Nova Iorque en 2007. A través dun proceso extenso, complexo e comprometido, xa que a súa realización constitúe unha acumulación de delitos, o artista exerceu unha das actividades exclusivas dos estados: acuñar moeda. E fíxoo a partir da divisa que, durante o último século, estableceuse como canón mundal, o dólar, e concretamente da súa unidade mínima, o céntimo de dólar. Neste proxecto, Santiago realiza réplicas de moedas de curso legal usando como materia prima 100 moedas dun céntimo de dólar acuñadas entre 1952 e 2007.