Vinte artistas da colección do CGAC e ARCO forman parte da mostra Distancia crítica, unha exposición formada por obras de artistas de difrentes xeracións co obxectivo de xerar un discurso aberto que mostra as novas perspectivas da arte. A exposición comeza con Closed, unha serie completa de 45 fotografías de José Luis Santalla, nas que o artista retrata ás persoas cos ollos pechados convidando ó público a poñer en primeiro lugar os seus sentidos. Outros artistas que participan na mostra son Jorge Barbi, Joana Cera, Rui Chafes, Lynne Cohen e Manuel Facal, entre outros.