Como continuación do proxecto Próspera, presentado no mes de setembro no Instituto Cervantes de Pekín, a artista Carme Nogueira busca un diálogo coa cultura chinesa que nesta ocasión toma como referencia o contexto máis próximo, a cidade onde vive e desenvolve o seu traballo. O significado do espazo urbano, o seu uso e as súas alteracións, os conflitos que se derivan do seu crecemento, sérvenlle como punto de partida da exposición que se mostra en Vigo.