Doctor Harapos nace a principios dos noventa tras unha serie de encontros entre o letrista Víctor Lorenzo e o músico Pablo Carrera. Durante os anos seguintes ábrese un período de experimentación e busca do son harapos mediante a gravación de varias maquetas. En 1999 editan dous temas. A partir de 2000 consolídase a formación actual coa incorporación de Leandro Deltell á batería e percusións, David Santos no baixo e David Durán nos teclados. Comeza entón a andadura polos escenarios de Doctor Harapos, á vez que se somerxen na preparación do seu primeiro traballo discográfico.